قصة حب الليث كاملة

وقفت وسط محل الملابس الشهير واللي كل زواره من الطبقة الراقية جدا واقفة بيونيفورم العاملين بالمحل واللي كان عبارة عن قميص أبيض ناصع وجيبة سودا لتحت الركبة وضيقة.. أتنهدت بتعب وهي باصة للشوز وكعبها العالي اللي بتعاني من ألمه كل يوم.. بس كله يهون عشان أكل العيش..
قالت كده لنفسها وانتبهت لمرسي صاحب المحل صاحب الجسم البدين والنظرات الوقحة.. قعد قدام مكتب الكاشير وبيتابعها بعيونه زي الذئب المفترس..

ورغم وقاحته الدايمة معاها إلا أنها مجبرة على الأستمرار في الشغل وإلا... مش هتعرف تصرف على خالتها وبنت خالتها.
بصت على باب المحل اللي أتفتح ودخل راجل ظاهر عليه الفخامة والثراء وخلع نضارته الشمسية وبص ناحية مرسي اللي قام بسرعة يرحب بيه ويقول
ليث باشا ألف مية مرحب ياباشا المحل نور والله.. أتفضل نورتنا.
حاولت تسيطر على ابتسامتها الساخرة وبصت لباقي الهدوم اللي في أيديها ونده مرسي بعلو صوته على سهي صاحبتها لكن مجاش الرد ف قال بنفاذ صبر موجه كلامه ليها
ياسمين.. مع الباشا.
وڠصب عنها مكانش قدامها فرصة للرفض سابت الشمعات من أيدها وقربت منهم بأبتسامة رسمية وهي بتقول
أتفضل.. أي طلب حضرتك.
قعد ليث على الكنبة العريضة الموجودة في ركن من أركان المحل وبص حواليه بلامبالاة وهو بيقول
بدلتين كلاسيك.
بدأت تخرج تصميمات مختلفة ورده الوحيد عليها هو الرفض بكل بروود مثير لأعصابها ف بدأت تدايق من تصرفاته وسابت أخر بدلة في أيدها وسألت بنفاذ صبر
طب أي هي المناسبة اللي عند حضرتك يمكن يكون عندي حل تاني..
وبأستهزاء واضح جدا بيها رد ليث وقال
وانت مالك يا بتاعة انت.. انت هتصاحبيني ولا أي.
برقت پصدمة من رده وخرجت أخيرا عن قناع هدوءها وقالت پغضب
هو انت تطول اصلا.. ما تخلي عندك ډم قبل ما يبقي عندك ذوق.
اتفاجئ ليث تماما من ردها ورفع حاجبة بخطۏرة وقام بيقرب بخطوات بطيئة منها وقال
انت بتكلميني أنا كده.. انت متعرفيش أنا مين ولا أي.
الكاتبة شهد السيد
ربعت أيديها وبأستهزاء وسخرية ردت ياسمين وقالت
كفاية عليا البرود والرخامة اللي شوفتهم من وقت دخولك للمحل..
جه مرسي بسرعة على صوتهم وزعق لياسمين بتوتر وعصبية
ياسمين أي اللي بتقوليه ده.. عيب كده اعتذري للباشا حالا..
بصت ياسمين ل ليث بتحدي وقالت
مش هعتذر حتي لو فيها رفدي.. كله الا كرامتي.
بص ليث لتليفونه اللي رن وضغط على سنانه بعصبية وخرج برا المحل عشان يرد ف قال مرسي لياسمين
يا ياسمين مينفعش كده ده راجل واصل أوي وممكن يقفلنا المحل لة وقفنا قصاده وأنا مش حمل مشاكل.. لمي الموضوع بقي واعتذري.
مشيت ياسمين خطوتين وهي بتقول
قولت لأ.. مش عاجبك ارفدني..
وقبل ما تخلص كلامها أتكسر كعب جزمتها ف كانت هتقع لولا أن مرسي مسكها بسرعة 
وهو بيقول 
مقدرش يا سوما.. انت من غيري تتكسري.
وفي اللحظة دي دخل ليث تاني المحل وشاف وضعهم ده 
برقت هي بشراسة ودفعته في صدره جامد وهي بتقول
أبعد أيدك عني..
الكاتبة شهد السيد
قاطع مرسي كلامها بتوتر وقال موجه كلامه لليث
اهلا يا باشا.. حقك عليا معلش امسحها فيا انا دلوقتي هطلعلك بضاعة مستوردة كلها واحدث كولكشن..
حست أن الډم أتسحب من جسمها من فكرة ان حد شاف اللي حصل ومقدرتش حتي تلف تبصله وهو بيقول
ياريت فعلا يكون حاجة نضيفة بدل الرخص اللي أنا شايفة ده.. قدامك ساعتين يا مرسي يكون الحاجة موجودة في مكتبي ومعاهم البتاعة دي.
نهي كلامه وخرج ف اتجمعت الدموع في عين ياسمين پقهر من موقفها وانهالت على مرسي بالضربات الضعيفة وهي بتقول
يا عديم النخوة يا مهزء يا حقېر..
زقها مرسي بعيد