قصة حب الليث كاملة
ما يناسبها..
_________________الكاتبة شهد السيد
رجعت ياسمين البيت بشنط كتير حطتهم في الصالة وقعدت على الكرسي بأرهاق.. ف خرجت بتول ووقفت قدامها وهي بتمسح دموعها وتقول
سامحيني يا ياسمين...أنا غلطانة حقك عليا.. كفاية عليا تأنيب ضميري عشان أنا السبب في اللي جرا لماما.. أنا كنت غبية حقك عليا.
بصتلها ياسمين بحسرة وهي بتقول
أعتذارك ده هيرجع أمك اللي راحت ولا شرفك اللي فرطتي فيه مع حتة عيل ولا يسوا.. ارجعي اوضتك لو سمحتي واعملي حسابك اننا هنعزل من هنا.. كلها كام شهر وبطنك تكبر وسيرتنا تبقي على كل لسان..
دخلت بتول اوضتها وهي بتبقي بحسرة وندم على اللي وصلتله...
بعد ما اخيرا استقروا في شقتهم الجديدة وبدأت ياسمين شغلها مع ليث بأنتظام وجدية.. وعرفوا عن بعض تفاصيل أكتر..
كانت واقفة ياسمين في المطبخ بتعمل الغدا وخبط باب الشقة ف راحت بتول وفتحت الباب واټصدمت لما شافت ليث وسألوا بعض في نفس اللحظة
انت!!
_انت!!
مين على الباب.
أتوترت بتول وبعدت وهي بتقول بقلق
معرفش.. معرفش..
نهت كلامها وجريت على اوضتها ف قربت ياسمين من الباب بأستغراب ف لقيت ليث واقف وقال
هي دي تبقي بنت خالتك
حركت ياسمين راسها بمعني اه وسألته بشك
انت تعرفها
سكت للحظة وبعدين قال
لأ هعرفها منين.. ده مجرد تخمين.
انت جاية ټضربي اللي بيخبط ولا أي.
ضحكت هي وقالت
لأ بس كنت بحضر الغدا.. أتفضل اتغدا معانا.
وبغرور مصتنع رد وقال
للأسف مش هسمح ان وقتي يضيع..
الكاتبة شهد السيد
قلبت ياسمين عينها بملل من جملته المعتادة وقالت
وقتك يضيع مع سكرتيرة رغاية صح
ضحك ودخل معاها للصالة وهي بتقول
أنا دخلتك تاكل معانا جدعنة مني عشان عارفة انك بتفضل طول اليوم من غير أكل.. ف حبيت أعمل فيك ثواب.
ريح ليث ضهره على الكنبة بأرهاق وقال
عندك حق.. أنا كنت هروح أنام من غير أكل كمان..
بصتله ياسمين بقلة حيلة وقالت قبل ما تختفي جوه المطبخ
دخلت جابت الأكل ودخلت لبتول وهي بتقول بضيق
لازم تطلعي تتغدي معانا..
قامت بتول وخرجت معاها بصمت وهي بتتحاشي تماما نظرات ليث المستاءة منها وبيقول في نفسه
ازاي جايلها قلب تعمل كده قصاد كل اللي ياسمين عملته عشانها.. اتمني انها تكون فاقت من اللي هي فيه.
قعدوا مع بعض على السفرة ودار الكلام بين ليث وياسمين على الشغل لفترة قصيرة وبتول بتبصله من حين لأخر بأعجاب شديد ولياسمين بالغيرة.. ياسمين أقل منها فالجمال ومع ذلك لقيت راجل حلو وغني زي ليث وهي حظها راح مع واحد.. واحد حقېر اتخلي عنها ومكلفش نفسه حتي يحاول يسأل عليها من بعد اختفاءها..
الكاتبة شهد السيد
قام ليث وهو بيشكر ياسمين على الأكل واخد الورق ومشي..
قفلت ياسمين الباب وراه ودخلت لبتول وسألتها بشك
تعرفي ليث منين..
أتوترت بتول وبصتلها ف قالت ياسمين بتحذير
اياكي تكدبي عليا.. دلوقتي حالا عاوزة أعرف تعرفي ليث منين.. عشان تتصدمي كده أول ما تشوفيه..
وبتهور ردت بتول وقالت
ليث يبقي ابو اللي في بطني..
وقعت الطباق من أيد ياسمين وحست.. حست بالضياع والصدمة!!
____________الكاتبة شهد السيد
بعد أنقطاعها أسبوع كامل عن الشغل وقول أعتذارات وهمية عشان تتهرب من مقابلته بعد أعتراف بتول.. مش قادرة تصدق أزاي ليث اللي عرفته وقربت منه يعمل كده.!!
والليلة كانت ليلة المواجهة.. طلب منها تجيله المكتب
