قصة حب الليث كاملة
تقابله زادت من حيرتها.. وقعدت على أقرب كرسي ليها وهي بتفكر.. بتفكر في عرضه المغري جدا واللي هيريحها من جهد كبير..
_________________الكاتبة شهد السيد
وسط الأجواء الشتوية والليلة الممطرة دخل ليث للكافية وهو بيدور بعينه عليها.. فات تلات أيام ومجاش منها أتصال ورد على عرض الشغل الخاص بيه..
قعد وكان مش مستغرب أوي أن الكافية فاضي تماما بسبب الأجواء.. بس حتي العاملين مش موجودين.
كنت شيفاك من أول ما دخلت ووفرت على نفسي المرواح والمجي وجبتلك طلبك على طول..
بص ليث لكوباية القهوة وبصلها بأبتسامة ودودة وهو بيقول
وياريت تكملي جميلك وتقعدي معايا خمس دقايق مش أكتر.
قعدت ياسمين بدون جدال ف بصلها هو وضحك بخفة وقال
اتنهدت وسكتت ف كمل هو وقال بعتاب
مش على الأقل كنت تبلغيني برفضك.. مش أصول منك تسبيني مستني ردك كل ده..
مررت أيدها على رقبتها بتدلكها وهي بتقول بصدق وحيرة
أنا مرفضتش.. أنا لسه بفكر.. أي يخليك تقدم عرض زي ده لواحده انت متعرفش حتي بتعرف تقرأ وتكتب ولا جاهلة.. ليه وانت مشوفتش مني غير خناق وطولة لسان...
شرب ليث شوية من القهوة وغمض عينه بأعجاب بطعمها الفريد كأنه مدمن حصل على جرعته وبصلها بأهتمام وهو بيقول
أنا بقالي سنين شغال وبعرف اللي قدامي من قبل حتي ما يتكلم ومكنش صعب عليا الاحظ ان مجرد عاملة في محل ملابس بتقرأ ماركة كل بدلة بتعرضها عليا وده يدل على أنها متعلمة.. وليه التانية دي تقدري تقولي.. ما محبة إلا بعد عداوة.
ياسمين صدقيني والله أنا ندمان عن تصرفي في حقك أول مرة قابلتك فيها في الشركة.. وحاسس أنك طموحة وشاطرة واني هفيدك واستفاد منك.. وأكيد شغلك معايا هيكون أريح ليكي بكتير سواء في الجهد او المرتب.. هاه قولتي أي
أتنهدت بحسم وبصتله وهي بتقول بأبتسامة بسيطة
أبتسم من تاني لموافقتها وشرب من قهوته وهو بيقول بأهتمام
حيث كده بقي.. عرفيني بيكي...
عدت الدقايق ومرت الساعات وهما مندمجين في الكلام مع بعض.. كأنهم يعرفوا بعض من زمن.. لحد ما أخيرا قام ليث وقال بهزار
شكلك سكرتيرة رغاية وفي كل مرة هشوفك هتضيعيلي وقتي.
قامت هي كمان وهي بتقول بأبتسامة
لبس جاكيت بدلته وراح ناحية باب الكافية وهو بيقول
هستناكي بكرة.. هتيجي
هاجي
قالتها وهي بتراقبة لحد بعد ما اختفي عن نظرها.. بتراقبة وبتقفش نفسها بمشاعر.. بمشاعر غريبة بتحسها لأول مرة.!!
____________الكاتبة شهد السيد
في محل هدوم نسائي فخم وراقي وقفت ياسمين قدام ليث بعدم رضا تام وهو بيقول بحسم
ياسمين انت اولا مظهرك من مظهري.. وهتكوني ملزماني في كل مكان زي ضلي ف مينفعش تكوني قليلة ف نظر حد بعد أذنك سبيني أعمل اللي عاوزة وقيسي الهدوم من سكات.. هو أنا اللي هدفع ولا انت.
بصت ياسمين بغيظ وهي بترد وتقول
ما عشان انت اللي هتدفع أنا مش عاوزة ألبس.. هردلك فلوسك دي ازاي والبلوزة بتمن كليتي اصلا.
ضحك ليث على كلامها وهو بيقول بهدوء
ياستي مش هاخدهم منك مرة واحدة.. هخصم من مرتبك كل شهر مبلغ بسيط لحد ما تبقي سديتي تمنهم.. تمام كده.
حركت ياسمين راسها برضا ودخلت مع لارين السكرتيرة السابقة ل ليث عشان تبدأ رحلة البحث عن كل
