الصفة بقلم إسراء مصطفى 

كلامي وانه اكيد هييجي ماشي على رجله بس ولو لازم اعطيله أوامر علشان اضايقه زي ما ضايقني
واقف بعيد ليه رجلك كويسة
رفع حاجبه بابتسامه شايفك مهتمة يعني مش قولتي انك هتبقي ولا تعرفيني 
مش مهتمة على فكرة لكن قلبي الطيب كدكتورة خلاني آجي اسألك  
ماشي يا أم قلب طيب انا كويس بس الدوشة بتتعبني فحبيت ابعد شوية  
طيب اقعد علشان تريح رجلك شوية  
شد الكرسي وشاورلي اقعد وشد كرسي تاني ليه مين قالك اني هقعد معاك 
قعد وعلى وشه ابتسامة خلاص امشي  
يعني مش هتتحايل عليا اقعد! ولا انت مستني اللي إسمها رهف  
بالظبط أصلها وحشتني اوي  
ما كنت خلينا نفرح بيك وكنت خطبتها النهاردة وتبقى فرحة واحدة  
لو كبيرة شوية كنت عملت كدا بس للأسف صغيرة عليا  
ليه عندها كام سنة 
الفضول وحش بردو  
على فكرة بقى ربنا نجدها منك محدش يستحملك اصلا  
بس انتي استحملتيني  
شغل بقى ومضطرة  
والله كان الله في عوني انا اني استحملتك دا انا لسه فاكر اول مرة جيتي فيها كنتي بتتكلمي ازاي  
زي الملايكة عارفة  
ضحك باستهزاء ملايكة اها! 
انا راحة لصاحبتي علشان متخانقش معاك  
طيب استني  
قام وقف وقرب ايده سند بيها على دراعي فرفعت حاجبي باعتراض بصلي ببراءة ايه مش قادر امشي لوحدي  
داريت ابتسامتي على نظرته وطريقته وفين رهف تيجي تساعدك ما هي هتساعدك لو احتاجت حاجة
ضحك وهو بيبص على البنوته الصغيرة اللي بتجري ناحيتنا جات اهي  
رديت ببلاهة هي مين دي! 
لقيتها بتقرب وبتمسك ايده التانية تعالي يا أدهم ارقص معايا علشان يوسف بيرقص مع خطيبته  
شال ايده اللي كانت على دراعي ونزل لمستواها طب مش نسلم على الضيفة اللي معايا الأول
رفعت عينيها ليا وبعدين بصيتله مين دي 
دي بتكون دكتورة إسراء اللي قولتيلي إنك عاوزة تعرفيها  
وقف وبصلي وهي بتكون رهف أخت يوسف  
نعم! 
ضحك ايه! 
رفعت حاجبي وانا بشاور عليها دي رهف! 
اها حلوه مش كدا 
كان بيقولوا باستفزاز وكإنه واثق إنه عرف يضايقني وقبل ما أرد هي اتكلمت يلا بقى يا آدو الرقصة هتبدأ  
بصيتلها بأسف للأسف مش هيعرف يرقص معاكي لإنه لسه تعبان  
مضطر اسمع كلام الدكتورة يا ميرو بس اوعدك لما اخف هعملك كل اللي انتي عاوزاه  
شاورلي اقرب منها قعدت قصادها فاتكلمت بصوت واطي طلعتي حلوة زي ما أدهم بيقول  
ضحكت أدهم قالك كدا! 
هزت راسها بإيجاب وقالي كمان إنك شبه الأميرات وعندك قوى سحرية علشان كدا قدرتي تخليه يمشي تاني  
ابتسمت وانا ببصله فمد ايده ليا علشان اقف وهو بيسألني بفضول قالتلك ايه 
دا سر بيني وبينها  
بص لرهف اللي أكدت كلامي دا انتوا اتفقتوا عليا بقى! 
رفعت عيني ليه پشماتة علشان تبقى ترخم عليا بعد كدا
ضحك بهدوء وهو بيمسك ايد رهف علشان نروح نقف معاهم اكتر حاجة كانت مفرحاني هي إنه كان ماشي لوحده ومن غير مساعدة حد بكون فرحانة بكل حالة بقدر اكون سبب في شفاها بعد ربنا لكن فرحتي بأدهم مختلفة
واخداني على فين 
ما تسكت بقى شوية وبتقول عليا انا رغاية!
ما انا عاوز افهم  
حاضر انزل من العربية وانت تفهم  
نزلنا ووقفنا قدام المكان بصلي بعدم فهم ايوا يعني احنا هنا بنعمل ايه بردو انتي مش قولتي اني خلصت الجلسات خلاص! 
وهو بالعقل يعني احنا هنيجي هنا للجلسة ليه!
وبعدين مكنتش اعرف إنك فضولي كدا ادخل يا أدهم بالله عليك دا انت كلت دماغي  
ضحك ماشي  
كان طلب من مامته وباباه اني اجيبه هنا علشان عاملينله
مفاجأة بمناسبة شفاه كان موجود اصحابه وكل الناس اللي بيحبهم اول ما دخلنا وشافهم ضحك بفرحة قربوا منه وسلموا عليه وفضلوا يحتفلوا بيه شوية وانا وقفت مع مريم اللي جات مع يوسف  
مين كان يصدق إنك الوحيدة اللي تقدر عليه  
ابتسمت عندك شك في صاحبتك ولا ايه! 
ضحكت دا بعد اللي حصل دا ابدا  
يوسف قرب مننا بعد ما الناس الموجودة مشيت ووجه كلامه لمريم يلا  
يلا هنوصا إسراء في طريقنا  
قبل ما يرد لقينا أدهم بيتكلم لأ سيبوا إسراء أنا هوصلها  
مفيش داعي هما هيوصلوني  
غمز ليوسف خد خطيبتك يا عم وامشي  
ضحك ماشي ياعم بتزوغنا يعني يلا يا مريم  
مشوا وانا واقفة مش فاهمة حاجة فبصيتله نعم
شكرا على المفاجأة  
العفو دي كانت فكرة باباك ومامتك  
لكن اللي عرفته إن انتي اللي خططتي لكل حاجة  
المهم انك اتبسطت  
فوق ما تتخيلي  
همس بابتسامة طلع عندك قوى سحرية فعلا  
بغرور مصطنع عارفة  
الله على الثقة  
وحلوه وبشبه الأميرات كمان مش دا اللي قولته عني لرهف 
الفتانة! 
مش عيب تروح تفضفض مع طفلة عندها ٦ سنين! 
بصلي ببراءة وهو انا لقيت حد كبير احكيله وقلت لأ 
ضحكت عاوز ايه بردو كنت سبتني امشي معاهم  
قرب ناحيتي وهو حاطط ايديه في جيوب بنطلونه بابتسامة صاحبتك اتخطبت مش ناوية تحصليها انتي كمان ولا ايه
انت قلبت على ماما فجأة ليه 
واضح إنها عاوزة تخلص منك  
يعني حاجة زي كدا بس لعلمك بابا مأكدلي ان اللي هيتجوزني هيكسب عروسة جدعة  
والله باباكي دا بيقول كلام مظبوط وعلشان كدا عاوز أقابله  
ليه!
علشان اكسب العروسة الجدعة  
ايه! 
ايه! 
انت عاوز تتجوزني!
هي البعيدة هبلة! اها عاوز اتجوزك  
لأ يا عم مش هتجوز واحد رجليه بايظة انا  
رفع حاجبه پصدمة بايظة! 
هو انا عكيت ولا ايه! وضحكت بتمثيل بهزر يا رمضان ايه ما بتهزرش! 
دا وقته هزار يعني! تصدقي إنك مستفزة  
انا مستفزة! 
وباردة  
ايه رأيك بقى إني مكنتش بهزر يا أبو رجل بايظة  
طب ما انتي قلبك مش شغال وانا متكلمتش  
قلب مين دا اللي مش شغال! عايشة بالطاقة الشمسية انا  
ضحك ياريت على الأقل يبقى منه استفادة طالما مبيعرفش يحب  
كتمت ضحكتي على كلامه انت مفكر إنك هتعرف تقنع بابا بسهولة كدا 
اتكلم بثقة هعرف  
غمز وبالمرة اقنعه اننا هنوفر ونعمل الفرح بالطاقة الشمسية  
ضحكت لا والله! 
ايه بقى قولتي ايه 
موافقة لأجل الطاقة الشمسية  
وقلبك مش هنعالجه علشان يعرف يحب 
دا دايب في حب اصلا  
اتكلم بأمل ومين المحظوظ اللي قلبك دايب في حبه 
ابتسمت بخبث ابو رجل بايظة
إسراء مصطفى 
روايات واسكريبتات مميزة