الصفة بقلم إسراء مصطفى
قرب منه وسنده وبدأ يمشي معاه بخطوات بطيئة وباين إنه حاسس پألم بعد دقايق طلبت منه إنه يقعد علشان ميضغطش على رجله اكتر من كدا واول ما كمال خرج قعدت قصاده بص بقى انا مش بحب كدا لو متضايق مني قولي ايه اللي مضايقك علشان اعرف اصالحك لكن بلاش تتعامل معايا ببرودك دا
رفع حاجبه ولمحت ابتسامته اللي حاول يخفيها مش متضايق من حاجة يا دكتورة لكن بحاول مضايقكيش كفاية إنك مضطرة تعالجي واحد شايفة إنه سطحي ومغرور وشايف الدنيا كلها بتدور حواليه
يعني انتي مش شايفاني كدا
هزيت راسي بنفي ابدا والله يمكن في الأول كنت شايفاك كدا لكن بعدين عرفتك وفهمت شخصيتك انت كمان مع الوقت بقيت تتعامل معايا كويس وبقينا نتكلم اكتر ودا غير نظرتي ليك
صدقني هي تستاهل
انا هتكلم مع مامت يوسف انا كمان مش راضي وانا شايف صاحبي في الوضع دا مامت يوسف كويسة يا إسراء ومتأكد لما تعرف صاحبتك هتحبها
ابتسمت شكرا يا أدهم
رجعت اتكلمت بلهفة قبل ما يرد انت كدا مش زعلان مني صح
ضحك بهدوء لأ مش زعلان
انا مش مصدق اني خلاص بقيت اعرف اتحرك على رجلي انا كنت فقدت الأمل
قولتلك انا عندي قوى سحرية وانت مصدقتنيش
اتكلم بنبرة هادية وهو بيبص في عيني دي اكتر حاجة أنا مصدقها
حسيت اني اتوترت من نظرته لو فضلت ثانية كمان هقوله إني بحبه علشان كدا مشيت بسرعة دا ينهار ابيض على الفراشات اللي باكلها! حد يلحقني
يا ترى مين
خمني
انجزي يا مريم قولي مين عندي شغل
يوسف وأهله
بصيتلها بعدم استيعاب مين!
عينيها اتملت بدموع الفرحة يوسف اتقدملي يا إسراء
صړخت بفرحة وانا بحضنها انا مش مصدقة بجد مبارك يا مريوم
الله يبارك فيكي
والله لو بعرف ازغرط كنت زغرطت
ضحكت وانا بشد ايدها علشان نقعد احكيلي كل حاجة من اول ما فتحتولهم الباب لحد دلوقتي
كانت بتحكيلي وعينيها بتطلع قلوب حرفيا حقيقي كنت فرحانه لفرحتها واخيرا اتحقق حلمها وخطوبتهم كمان كام يوم
على فكرة انت تقدر تحضر الخطوبة من غير الكرسي
هقدر
اها متقلقش بس اكيد هيكون معاك السنادات علشان تعرف تتحرك
مين قالك كدا انا هناك هكون ولا اعرفك اصلا هكون صاحبة العروسة وبس
ضحك هشتكي لدكتور شريف من معاملتك ليا على فكرة
عادي ولا يهمني
عموما رهف هتكون موجوده لو احتاجت حاجة هتساعدني
ضيقت عيني بفضول رهف! مين رهف دي اللي هتساعدك بقى!
أخت يوسف وصاحبتي
واما امسك دماغه دي واخبطها في الحيط صاحبتك خلي صاحبتك تنفعك
كملت بضيق احنا خلصنا النهاردة انا ماشية
استني بس ايه اللي حصل
محصلش حاجة
انتي اتضايقتي من اللي قولته
وانا هتضايق ليه انت حر انا مالي بس على فكرة بقى مفيش حاجة اسمها واحد وواحدة أصحاب
ضحك ماشي شكرا على
النصيحة
ضغطت على أسناني بغيظ دا انت مستفز! انا ماشية وتيجي الخطوبة وانت ماشي على رجلك متكاسلش وتستخدم الكرسي انا بقولك اهو
كنت عارفة اصلا انه مش مستني
