على باب الكلية
.... ربنا يخليكى لينا يا ست الكل ويشفيكى ويشفى كل مريض .
قامت نور وراحت علشان تجيب الاكل لمامتها قبل ما تاخد العلاج .
وتجيب ليها هى واخوها علشان هما على لحم بطنهم من الصبح بسبب اللى حصل فجاه .
جابت الاكل وبدؤا ياكلوا وكانت بتأكل مامتها علشان ما تتعبش
نفسها .
جه الليل والام خدت علاجها ونامت .
دخلت نور علشان تنام بعد ما اطمنت على مامتها وعلى احمد اخوها .
بس للاسف ما عرفتش تنام
من كتر التفكير فى اللى الايام مخبياه .
وبالذات أن هى معهاش فلوس خالص للى جاى .
النهار و صحيت نور وبدأت تصحى مامتها وتساعدها فى اللبس علشان ينزلوا على المستشفى .
وبعد شويه كانوا نازلين هما التلاته احمد ونور والام ولسه يا دوبك خارجين من باب البيت اتفاجئت نور من اللى شافته
نور .... يوسف انت بتعمل ايه عندك
يوسف .... مش تقولى صباح الخير الاول يا نور وتعرفينى بالحاجه
نور .... اه معلش انا اسفه .
نور .... صباح الخير يا يوسف .
يوسف ... صباح النور يا نور
نور ... ده يوسف زميلى فى الكليه يا امى وهو اللى وصلنى امبارح لما عرف أن حضرتك تعبانه .
اهلا وسهلا يا ابنى وشكرا على تعبك .
يوسف .... اهلا بيكى يا حاجه والف سلامه عليكى .
وبعدين تعب ايه اللى تعبته حضرتك زى والدتى طبعا واكيد لما اعرف أن حضرتك تعبانه اكيد هاجى واطمن عليكى.
نور ... انت واقف هنا ليه يا يوسف فى الوقت ده
يوسف .... ابدا انا توقعت انكم هاتروحوا المستشفى اللى انتى قولتى عليها .
وفضلت مستنيكم تنزلوا .
نور .... يا خبر يا يوسف كل ده وانت واقف فى الشارع مستنينا.
طيب ما طلعتش ليه بدل وقفتك دى.
يوسف ... مش هانبطل رغى بقى علشان ماما اللى تعبانه دى وبعدين ابقى أسألى براحتك يا ستى . .
الام .... كتر خيرك يا ابنى ملوش لزوم تتعب نفسك احنا كنا هاناخد تاكسى .
ركبوا العربيه وراحوا على المستشفى اللى كانت زحمه جدا جدا وكان لازم يقفوا طوابير اد كده عقبال لما دورهم يجى فى الكشف .
يوسف .... هاروح اشترى حاجه واجى على طول .
نور .... اه طبعا اتفضل يا يوسف .
الام .... اتفضل يا ابنى معلش تعبناك معانا.
راح يوسف يشترى حاجه ويرجع .
تليفون نور رن وكان سيف هو اللى بيتصل.
نور.... السلام عليكم
سيف .... وعليكم السلام يا حبيبتى .
عامله ايه وازى ماما دلوقتى.
نور ... الحمد الله احسن دلوقتى.
واحنا دلوقتى فى المستشفى مستنين الدكتور يطمنا عليها .
سيف ... طيب انتم فين وانت اجيبلكم يا نور وابقى معاكم
نور... لا لا احمد اخويا معانا ما تتعبش نفسك انت.
سيف ... ماشى يا نور اول لما تطمنوا من الدكتور ابقى رنى عليا وطمنينى يا حبيبتى.
نور.... حاضر يا سيف يالا سلام
يوسف جه وكان معاه شنط كتير فيها اكل وعصاير كتير علشان يكلوا حاجه لان باقلهم كذا ساعه مستنين دورهم فى الكشف.
نور.... ايه ده كله يا يوسف كل دى حاجات جبتها .
يوسف ... ايه يا نور دى حاجه بسيطه شوفى انتم بقالكم اد ايه هنا .
الام ... تعبت نفسك يا ابنى معانا معلش حقك عليا.
يوسف ... تعبك راحه يا امى والله .
نور.... ربنا يخليك يا يوسف.
يوسف ... مش كنتى سمعتى كلامى يا نور وودينا الحاجه لاكبر دكتور فى البلد .
نور ... معلش يا يوسف بس ڠصب عنى انا ما كنتش هاقدر على كشفهم الغالى اوى ده .
يوسف .... كشف ايه وبتاع ايه اللى بتتكلمى عنه ده .
دى زى والدتى يا نور وكنت عاوز اطمن عليها بدل البهدله دى .
فجاه اسمهم الممرضه ندهته وقامت نور ومسكت ايد مامتها ودخلوا على اوضه الكشف
.
وفضل يوسف واحمد برة مستنينهم لما يخرجوا من جوا .
دخلوا جوه ونور قعدت مامتها على
