امل الحياة 23
انت في الصفحة 4 من 4 صفحات
ماسكه بطنها بالم
اسر كان واقف على الباب خبط عليه و اتكلم پخوف
فريده انتي كويسه
تعالي غيري و بعدين نروح المستشفى
اتكلمت بالم من ورا الباب
انا كويسه
قاطعها و هو بيدخل الحمام بسرعه
ايه يحبيبتي فيه ايه
مضايقه عشان زعقت انا اسف حقك عليا تعالي يلا نروح المستشفى
اتكلمت بدموع و هي بتحاوط كتفه بقوه
كنت عايزاك تقولي كلامك غلط و انا بحبك
مكنش قصدي ازعلك مني
اتكلم بحنان و هو بيق بل رأسها
هفضل اقولها كل لحظه انا بجد بحبك و كل اللي في دماغك دا غلط و تصرفاتي معاكي هتعرفي هي ليه بعدين
تعالي
شالها بحب و حاطها على السرير برفق و اتكلم بحنان و هو بيزيح خصله شارده من شعرها ورا اذنها
فريده برقه
قولي دلوقتي عشان دماغي بتدمرني و الله اعمل ايه بقى
اسر بحنان
تثقي فيا هو دا كل اللي طالباه منك و تدعيلي ممكن
اتكلمت برقه
اكيد
اتكلم پخوف
بطنك لسه وجعاكي
اتكلمت برقه و هي بتمسك ايديه و بتحطها على بطنها
شويه صغيرين خالص
هو غالبا من التوتر الدكتورة كانت محذراني منه
يبقى لازم تاكلي بقى هقوم احضرلك الفطار و جاي
مسكت ايديه و اتكلمت برقه
لا مش دلوقتي
انا دلوقتي محتاجه تبقى جانبي متسبنيش ماشي خليك معايا انهارده
ابتسم بحب و خدها في حضنه و اتكلم بحنان
اكيد يعمري
في منزل رحيل
واقفه بتحضر شنطتها عشان السفر
لاقيت مسدج مبعوته من اسر
رحيل انا بجد اسف مش هقدر اجاي اوصلك لاني مع فريده دلوقتي مش هعرف اسيبها
اتنهدت بعمق و بعتتله ڤويس
مفيش داعي للسواق انا هطلب اوبر أو هاخد تاكسي شكرا جدا يا اسر
وصلت رحيل المطار
اتنفست بعمق و دخلت و هي بتحط ايديها على بطنها و بتتكلم ببأبتسامه
هنبدأ انا و انت حياه جديده بعيد عنه هو ميستاهلش اي حد فينا لا انا و لا انت خلي اللي معاه تنفعه
في منزل اسر
بمجرد ما سمعت اشعار الرساله فتحت الفون و شافت الرساله من برا بس معرفتش تفتح الفون
بصيت للهاتف بغيره و دموع
في منزل لميس
صحي تميم على صوت رنين هاتفه
رد بهدوء
الو يا طارق
طارق بلهفه
تميم انت مراتك اسمها رحيل نوح الجابري صح
تميم بلهفه و هو بيتعدل
ايوا هي
طارق بهدوء
طب هي دلوقتي في مطار القاهره
حجزت تذكره طيران على الامارات انا قولت اقولك لاني عارف انك بدور عليها
تميم بلهفه و خوف
ايه
اوعى يا طارق
اوعى تسافر امنعها انا جوزها و من حقي ارفض
طارق بهدوء
انت لازم تيجي و تاخد الاجراء دا بنفسك الطايره ربع ساعه و هتطلع
قفل تميم المكالمه من غير ما يرد و لبس قميصه بسرعه و خرج متجاهل تماما لميس
ساق عربيته بسرعه چنونيه و وصل قدام المطار و دخل بسرعه البرق تحت نظرات كل الموجودين
اتكلم طارق بحزن
للاسف الطياره طلعت
تميم بدموع و ڠضب
ايه
ازاييي ازاييي تسافر من غير اذني ازاييي
طارق پخوف
انت عارف اني مش شغال هنا و هي ورقها كله كان سليم و محدش قدر يمنعها
تميم كان لسه هيتكلم بس قاطعه صوت المايك
الى المسافرين في طائره الامارات عذرا سوف يتم تاجيل الاقلاع لمده عشر دقائق لوجود عطل فني نعمل على إصلاحه
تميم بصله بفرحه كبيره و جري بسرعه البرق و معاه افراد الامن
رحيل كانت قاعدة في الطياره بملل
غمضت عينيها بارهاق منتظره اقلاع الطايره
بس فاقت على صوت واحد من فرد الامن و هو بيتكلم بهدوء
لو سمحتي يهانم حضرتك لازم تنزلي انتي ممنوعه من السفر
رحيل بصتله بعدم فهم و اتكلمت پحده
و السبب
تعالي
معانا و انتي هتعرفي و من غير شوشره لو سمحتي
أتكلمت رحيل پغضب
تمام
مشيت رحيل معاهم و دخلوا مكتب في المطار
اتكلمت پحده و هي بتبص للمدير المطار
اقدر اعرف انا ممنوعه من السفر ليه
تميم وقتها دخل و اتكلم پحده
بسيطه عشان مخدتيش موافقه جوزك يمدام
يتبع
امل الحياه
عشق التميم
بقلم يارا عبدالعزيز
حودايت يريوره
