مراتك مش ناوية تعقل
انتي وبقولك لاخر مره يارنا طلعي حنان مرات اخويا من دماغك بقا متخليش غيرتك تعميكي
ضحكت بكسره مش مصدقه كلامه حقيقي.... احساس بشع وانا شايفه اكتر انسان استحملت عشانه يشوفني وحشه
سبته ودخلت اوضتي بهدوء بس جويا كسره فظيعه
...
قولتلك اتجوز عليها دي واحده متمرده مدلعه صدقني مش هتتعدل غير لما تتجوز عليها يابني اسمع مني مش هيكسر الست الي ست زيها
اتكلمت بثقه.... لا متخافش هي بتحبك وعمرها ماهتقدر تبعد عنك صدقني
بدات امه تفرح انها قدرت تلين دماغه شويه وتخليه يسمع كلامها
..
كنت واقفه على السلم سامعه كلامهم مزعلتش منها قد مازعلت من احمد جوزي الي واقف يسمعلها على الاقل كان يقولها مينفعش كدا ياامي بحبها اي حد يسكتها بس معنى انه يسمع منها ويسيبها تكمل دا انه بيفكر في كلامها دموعي نزلت وانا قلبي حساه كانه بيتعصر من الالم... وانا الي كنت ناويه انزل اطيب خاطرها بكلمه بس ماشي وربنا لاخد حقي تالت ومتلت وحقي ابني كمان
افتحي ياختي يالا لمي هدومك وعلى بيت اهلك ابني انا هجبله عروسه ست ستك
وانا ببصلها ببرود.... هيتردلك في بنتك ان شاء الله
وبعدين بصيت على سلفتي.... وانتي كفايه دعايا عليكي بالليل في قيام الليل على الي عملتيه فيا وفي ابني وربنا مبيضيعش حق مظلوم ابدا
ضړبتها بالقلم.... امي متجيش على لسان واحده حربايه زيك
حماتي شدتني عنها وزقتني.... ابعدي عنها يابت انتي مهياش قدك ... ربنا على الظالم الي زيك
ضحكت جامد..... انا الي ظالمه اممم وانتوا اي ملايكه عارفه انا مش مستغربه انك بتادفعي عنها مانتوا زي بعض حرابيئ الډم بيحن بردوا خلصت كلامي لقيتهم هجموا علينا وبيضربوني ومحاولتش حتى ادافع عني عشان ببساطه انا عايزه كدا دي خطتي اصلا
كنا واقفين قدام الظابط وانا شيفاهم الاتنين بيعيطوا وانا مبتسمه اه موجوعه من ضربهم بس كله يهون عشان اخد حقي منهم تالت ومتلت
اتكلم الظابط.... ناويه على محضر ولا تتصافوا
بصيت لحماتي الي بتبصلي برجاء محبسهاش هي وسلفتي قلبي وجعني عليها هي ست كبيره بردوا والحبس وحش بس فجاه اتفكرت الي عملوه فيا وفي ابني بردوا الي ملهوش ذنب وقولتله بقوه..... لايباشا عايزه اعمل محضره واظن انت جيت وشوفتهم بعينك وشوفتهم وهما وعايزيني يطردوني من شقتي
3
... بقا عايزه ټحبسي امي ياااااارناااااااا
رنا بقوه مصطنعه.... ايوا يا احمد... اي هتعمل اي
احمد بعصبيه..... دا انا امۏتك فيها
رنا ببرود.... اكتب عندك ياحضرت الظابط فيه بلاغ بيهددني وقدام سيادتك كمان
احمد اټجنن من قوتها الي اول مره تظهر له..... لا انتي اټجننتي خالص يارنا على الاخر.... واخدها بعصبيه على جنب.... قدامك دقيقه تنهي فيها المهزله دي احسنلك يارنا
احمد بعصبيه..... وربنا فيها طلاقك
رنا ببرود.... انت حر.. انت الخسران اصلا وسابته ومشيت وقعدت قدام الظابط تكمل في الاجراءات.
بقلمي بسمله بدوي
..
دخلت شقتي وانا فرحتي مش سيعاني اول حاجه عملتها اخدت شاور ولبست بيجامه ستان وفردت شعري وحطيت ميكب وعملت نسكافيهي وشغلت فيلم كوميدي وقعدت نص ساعه ولقيت باب الشقه بيترزع رزع ودخل احمد بعصبيه..... بقااااا انتي ياااا هانم قاعده هنا ولا على بالي وبتضحكي كمان وامي مرميه في السچن
بصتله ببرود وانا بكمل شرب الناسكافيه باستمتاع..... ولسا هو انا كدا عملت حاجه... دا انا لسا كدا مأخدتش حقي
ايده ببرود..... صدقني دا مش في صالحك خالص
نفض ايده من ايدي بعصبيه..... ناويه على اي
ضحكت ببرود.... كل خير ياروح قلبي.... هاخد حقي ال انت معرفتش تجبهولي
بصلي والدموع بتلمع في عنيه وهو بيحاول يداريها..... عمري ما اعرف اقسي عليها يارنا... دي مهما كانت امي
صړخت بانفعال في وشه..... امي امي اميييييي ايييي وانا اي ياشيخ انا ايييييييي...
احمد بصوت مجروح..... انتي حبيبتي ومراتي بس
صړخت فيه ببكا...... مش باااااين... انا مش
